Біздің мектебіміздің оқушылары Қасач Таисия мен Тарасова Вероника Ахмет Байтұрсынұлы атындағы Қостанай университетінің журналында өз авторлық мақалаларын жариялады.

Аталған жарияланым мектеп пен университет арасында жасалған ынтымақтастық туралы меморандум аясында жүзеге асты. Бұл ынтымақтастық оқушылардың оқу-зерттеу және шығармашылық қызметін дамытуға, сондай-ақ олардың кәсіби бағдарын айқындауға қолдау көрсетуге бағытталған.

Оқушылардың еңбектерінің университеттік басылымда жарық көруі бірлескен жұмыстың маңызды нәтижесі болып табылады және қалыптасқан өзара ынтымақтастықтың тиімділігін дәлелдейді.

Қасач Таисия мен Тарасова Верониканы осы жетістігімен құттықтай отырып, оқу мен шығармашылық қызметтеріне алдағы уақытта табыс тілейміз.