Жас маманмен тәлімгерлік жұмысы

2025–2026 оқу жылында «№1 мектеп-гимназиясы» КММ-де жас педагогтердің кәсіби бейімделуі мен дамуына бағытталған тәлімгерлік жүйесі табысты жүзеге асырылды.

Бастауыш сынып мұғалімі Рогачева А.С.-ке тәлімгер ретінде бастауыш сынып мұғалімі Ставничая Галина Валерьевна әдістемелік және практикалық қолдау көрсетті. Оқу жылы бойы тәлімгерлік жұмыс сабақтарды жоспарлау және өткізу, тәрбие жұмысын ұйымдастыру, мектеп құжаттамасын жүргізу, заманауи білім беру технологиялары мен оқыту әдістерін қолдану бағыттарында жүргізілді. Жеке кеңестер беріліп, сабақтарға өзара қатысу, сабақтарды талдау, кәсіби мәселелерді талқылау және әдістемелік көмек көрсету жұмыстары ұйымдастырылды.

Жас педагогтің кәсіби құзыреттіліктерін қалыптастыруға, әдістемелік шеберлігін жетілдіруге, оқушылармен және ата-аналармен жұмыс жасау дағдыларын дамытуға ерекше назар аударылды. Тәлімгер ашық сабақтар мен іс-шараларға дайындалуға, оқу-әдістемелік материалдарды іріктеуге және тиімді педагогикалық тәжірибелерді меңгеруге көмек көрсетті.

Тәлімгердің жүйелі жұмысы мен жас маманның белсенді ұстанымының арқасында Рогачева А.С. педагогикалық қызмет жағдайына сәтті бейімделіп, кәсіби құзыреттілік деңгейін арттырды және құнды практикалық тәжірибе жинақтады.

Сонымен қатар жас педагогтің одан әрі кәсіби дамуының негізгі бағыттары айқындалды. Қысқа мерзімді сабақ жоспарларын (ҚМЖ) құрастыру дағдыларын жетілдіруді жалғастыру, үлгерімі төмен оқушылармен және ерекше білім беру қажеттіліктері бар білім алушылармен (ЕББҚ) жұмыс жүргізудің тиімді әдістерін қолдану тәжірибесін кеңейту қажет. Кәсіби шеберлікті одан әрі арттыру мақсатында инклюзивті білім беру, заманауи педагогикалық технологиялар және функционалдық сауаттылықты қалыптастыру мәселелері бойынша біліктілікті арттыру курстарынан өту ұсынылады.

Тәлімгерлік жұмысы жас маманның кәсіби тұрғыдан қалыптасуына ықпал етіп, оның педагогикалық шеберлігін одан әрі дамытуға қолайлы жағдай жасады.