Біз Пятигорск ауылынан және Асыл Мұра ауылындағы Н. Островский атындағы мектептен келген қонақтарымызды үлкен қуанышпен қарсы алдық. Бұл күн ұлттық дәстүрлерімізді дәріптеген этно-аул рухында өтті.

Қонақтарымызды қазақтың қонақжай дәстүрімен — ыстық, жаңа піскен бауырсақпен қарсы алдық. Мектеп ауласында қазақ халқының бай мәдениетін көрсететін этно-платформа ұйымдастырылды.

Қонақтарымыз дәстүрлі салт-жоралармен танысты, ұлттық ойындар ойнады, сондай-ақ бауырсақ дайындау бойынша шеберлік сағатына қатысты — қамыр илеу, бауырсақ жасау, майға қуыру үдерістеріне белсене қатысып, қызығушылықпен тамашалады.

Содан кейін оларды киіз үйде жайылған дастархан күтіп тұрды — ұлттық тағамдардан дәм татып, шынайы достық пен жылы қарым-қатынас орнаған ортада емен-жарқын әңгіме өрбіді.

Мұндай кездесулер оқушылар мен мұғалімдер арасындағы достықты нығайтып қана қоймай, ұлттық мәдениетке деген құрметті де арттырады. Қонақтарымызға келгендері үшін алғысымызды білдіреміз, және осындай жылы жүздесулер дәстүрге айналады деп сенеміз!