Бүгін мектебімізде «Табыс жолы: өткен жылдар түлектерінің тәжірибесі мен кеңестері» атты дөңгелек үстел өтті.

 Бұл шара өткен жылдың түлектері мен 11-сынып оқушыларын біріктіріп, болашақ түлектеріміз үшін шынайы шабыт көзі болды.

Біздің түлектеріміз, қазіргі таңда еліміздің үздік жоғары оқу орындарының студенттері, өздерінің оқуға түсу тарихымен, университеттегі өмірімен және жаңа ырғағы бар студенттік өмірге бейімделу тәжірибелерімен бөлісті. Олар мамандықты дұрыс таңдаудың, оқу қиындықтарын жеңудің және жаңа өмір салтын ұйымдастырудың маңыздылығы туралы айтты.

Түлектер оқып жатқан жоғары оқу орындары, таңдаған мамандықтарында өз орындарын тапқандары туралы әңгімелері ерекше қызығушылық тудырды. ҰБТ-ға дайындық, оқу бағытын дұрыс таңдау және өзіне сенімді болудың маңыздылығы жайлы құнды кеңестер айтылды. Әр түлек табысқа жетудің негізгі факторлары ретінде табандылықты, мақсатқа ұмтылуды және жақындарының қолдауын атап өтті.

11-сынып оқушылары университеттегі оқу бағдарламалары, қоғамдық өмір және мансаптық өсу мүмкіндіктері туралы сұрақтарды қызығушылықпен қойды. Бұл кездесу болашақ түлектеріміз үшін маңызды ақпарат алудың ғана емес, сонымен қатар өз мақсаттарына сенімді әрі ынтамен қадам басудың нағыз мотивациясына айналды.

Түлектерімізге өз мектебіне оралып, тәжірибелерімен бөліскендері үшін алғысымызды білдіреміз. Олардың табыс тарихы – ең үздік мотивация.
Каирова Д.М.