Біздің мектепте «Даналық мектебі» клубы аясында «Ата дәстүрі – ұрпақ мұрасы» тақырыбында дөңгелек үстел өтті. Іс-шараға 5–8 сынып оқушыларының ата-аналары мен құрметті қонақтар: Жарқайың ауданының бас биі Төлеген Садвақасұлы Ибраи, ауданның құрметті азаматтары Николай Анатольевич Яковлев пен Олег Петрович Решетнев қатысты.

Іс-шараны мектеп директоры Жұмағұлова Зағират Асқарқызы ашып, мәдени дәстүрлерді сақтау мен ұрпақтан-ұрпаққа жеткізудің маңыздылығын атап өтті. Модератор ретінде Манатов Аслан Айтжанович сөз алып, талқылауды кәсіби түрде жүргізді.

Қариялар өз тәжірибелерімен бөлісіп, үлкенге құрмет көрсету, моральдық құндылықтар және жастар тәрбиесі туралы ой қозғады. Сонымен қатар, «Тікелей эфирден» айдары ұсынылды.

Іс-шара соңында құрметті қонақтар мен ата-аналар алғыс хаттармен және естелік сыйлықтармен марапатталды. Бұл оқиға ұрпақтар арасындағы байланысты, мектеп пен ата-аналар қауымдастығының бірлігін нығайтып, дәстүрлерді сақтауда маңызды қадам болды.